ସୁନାବେଡ଼ା ୦୮/୦୬ (ଇମିସ):* ସୁନାବେଡ଼ା ମ୍ୟୁନିସିପାଲିଟି ଅନ୍ତର୍ଗତ ସେମିଲିଗୁଡ଼ାର NH-26 ରାସ୍ତା ପାଖରେ ଥିବା ପରିବା ବ୍ୟବସାୟୀମାନଙ୍କ ଦ୍ୱାରା ଦିନକୁ ଦିନ ବଢ଼ୁଥିବା ଅସୁବିଧା ଏବେ ଗୋଟିଏ ଗମ୍ଭୀର ଟ୍ରାଫିକ ସମସ୍ୟାକୁ ଜନ୍ମ ଦେଇଛି। ରାସ୍ତା ପାଖକୁ ପରିବା ବିକ୍ରି ପାଇଁ ଆସି ବ୍ୟବସାୟ କରୁଥିବା ଲୋକମାନେ ଯାତ୍ରୀ ଓ ଯାନବାହନ ଚଳାଚଳରେ ବାଧା ସୃଷ୍ଟି କରୁଛନ୍ତି।
ସ୍ଥାନୀୟ ନାଗରିକମାନେ କହିଛନ୍ତି ଯେ ଏହି ବ୍ୟବସ୍ଥା ଫଳରେ ଦୈନିକ ଟ୍ରାଫିକ ଜାମ୍, ଦୁର୍ଘଟଣା ଓ ଅନ୍ୟାନ୍ୟ ସମସ୍ୟା ଘଟୁଛି। ମ୍ୟୁନିସିପାଲିଟି ଅଧିକାରୀମାନେ ଅନେକଥର ଏହି ବ୍ୟବସାୟୀଙ୍କୁ ରାସ୍ତା ଛାଡ଼ିବା ପାଇଁ ଉପଦେଶ ଦେଲେ ମଧ୍ୟ ସେମାନେ ତାହାକୁ ଅନୁସରଣ କରୁନାହାନ୍ତି।
*ଏକ ଅଧିକାରୀ କହିଛନ୍ତି:*
“ଆମେ ବ୍ୟବସାୟୀମାନଙ୍କୁ ନିୟମ ଅନୁସାରେ ବିକ୍ରି ପାଇଁ ନିର୍ଦ୍ଦିଷ୍ଟ ସ୍ଥାନ (ନୁଆ ହାଟ ହାଲ ମ୍ୟୁଜିଅମ ସାମ୍ନା) ବ୍ୟବସ୍ଥା କରିଛୁ। ଏହି ରାସ୍ତାରେ ବ୍ୟବସାୟ କରିବା ଅନୁମତି ନାହିଁ, କିନ୍ତୁ ସେମାନେ ଶୁଣିବାକୁ ତିଆରି ନୁହଁନ୍ତି। ଆମେ ପୁନିଥରେ କଠୋର କାର୍ଯ୍ୟନୁଷ୍ଠାନ ନେବା ପାଇଁ ଚିନ୍ତା କରୁଛୁ।”
ସ୍ଥାନୀୟ ଲୋକମାନେ ଦାବି କରୁଛନ୍ତି ଯେ ଏହି ଅବ୍ୟବସ୍ଥାକୁ ଶୀଘ୍ର ଶେଷ କରାଯାଉ ଓ ସଫାସୁତୁରା ସହିତ ଟ୍ରାଫିକ ନିୟନ୍ତ୍ରଣ ହେବା ଦରକାର।
