ମଦ ବନ୍ଦ ଦାବିରେ ମହିଳାଙ୍କ ରଣହୁଙ୍କାର କୋଷାଗୁମୁଡା ବ୍ଲକ୍ ମଦେଇଗାଁ ପଞ୍ଚାୟତରେ ଗାଁ ଗାଁ ବୁଲିଲେ ମହିଳା
ଗୋବିନ୍ଦ ତ୍ରିପାଠୀ ଙ୍କ ରିପୋର୍ଟ୍ ନବରଙ୍ଗପୁର
ନବରଙ୍ଗପୁର ଜିଲ୍ଲା କୋଷାଗୁମୁଡା : ୨୧/୮ ବ୍ଲକ୍ ମଦେଇଗାଁ ପଞ୍ଚାୟତ ଘେରାଉ କରି ମଦ ବି ରୋଧରେ ଏବେ ଆରପାର ଲଢ଼େଇକୁ ଓହ୍ଲାଇଛନ୍ତି ମଦେଇ ଗାଁ ପଞ୍ଚାୟତର ମହି ଳାମାନେ। ପଞ୍ଚାୟତର ସରପଞ୍ଚଙ୍କ ସହଯୋଗରେ ମହିଳାମାନେ ଗାଁ ଗାଁ ବୁଲି ମଦ ବିକ୍ରି ଓ ମଦ୍ୟପାନ ବନ୍ଦ ପାଇଁ ଲୋକଙ୍କୁ ସଚେତନ କରିଛନ୍ତି । ମଦ ଯୋଗୁଁ ପରିବାରରେ ଅଶାନ୍ତି, ଆର୍ଥକ କ୍ଷତି ଓ ସାମାଜିକ ସମସ୍ୟା ବଢୁଥିବା ଅଭିଯୋଗ କରି ମହିଳାମାନେ ମଦ ବନ୍ଦ ପାଇଁ ଅଡ଼ି ବସିଛନ୍ତି । ମହିଳାମାନଙ୍କ କହିବା ଅନୁସାରେ, ମଦ ବିକ୍ରି ଜାରି ରହିଲେ ସେମାନେ ଘରେ ଘରେ ଯାଇ ମଦ ଠାବ କରିବା ସହ ମଦ ବିକ୍ରେତା ଓ ମଦ୍ୟପାନ କରୁଥିବା ବ୍ୟକ୍ତିଙ୍କ ବିରୋଧରେ କଠୋର ପଦକ୍ଷେପ ପାଇଁ ପୋଲିସକୁ ଜଣାଇବେ। ତେବେ ଆଇନ ନିଜ ହାତକୁ ନନେଇ ପୋଲିସ ଓ ପ୍ରଶାସନର ସହଯୋଗ ନେବାକୁ ମଧ୍ୟ ଗୁରୁତ୍ବ ଦିଆଯାଇଛି । ମଦ ବନ୍ଦ ନହେଲେ ଆନ୍ଦୋଳନ ଆହୁରି ତୀବ୍ର ହେବ ବୋଲି ମହିଳାମାନେ ଚେତାବନୀ ଦେଇଛନ୍ତି ରଛନ୍ତି।
