ଭଦୋଦରା, ୦୯/୦୭: ବୁଧବାର ସକାଳେ ଗୁଜୁରାଟର ଭଦୋଦରା ଜିଲ୍ଲାରେ ଏକ ପୋଲର ଏକ ଅଂଶ ଭୁଶୁଡ଼ି ପଡ଼ିବା ପରେ ଅନ୍ୟୂନ ଚାରିଟି ଗାଡ଼ି ନଦୀରେ ଖସି ପଡ଼ିଛି ବୋଲି ପୋଲିସ କହିଛି।
ପାଦ୍ରା ପୋଲିସ ଇନ୍ସପେକ୍ଟର ବିଜୟ ଚରଣ କହିଛନ୍ତି ଯେ ଏପର୍ଯ୍ୟନ୍ତ ଚାରି ଜଣଙ୍କୁ ଉଦ୍ଧାର କରାଯାଇଛି ଏବଂ ଅଭିଯାନ ଜାରି ରହିଛି। ରାଜ୍ୟ ରାଜପଥ କଡ଼ରେ ମହିସାଗର ନଦୀରେ ଅବସ୍ଥିତ ଗମ୍ଭୀରା ପୋଲ ସକାଳ ପ୍ରାୟ ୭.୩୦ ସମୟରେ ଭୁଶୁଡ଼ି ପଡ଼ିଥିଲା, ଅଧିକାରୀ କହିଛନ୍ତି।
“ସକାଳ ପ୍ରାୟ ୭.୩୦ ସମୟରେ ମହିସାଗର ନଦୀରେ ଥିବା ପୋଲର ଏକ ଅଂଶ ଭୁଶୁଡ଼ି ପଡ଼ିବା ପରେ ପ୍ରାୟ ଚାରିଟି ଗାଡ଼ି ନଦୀରେ ପଡ଼ି ଯାଇଥିଲା। ଦୁଇଟି ଟ୍ରକ୍ ଏବଂ ଦୁଇଟି ଭ୍ୟାନ ସମେତ ଗାଡ଼ିଗୁଡ଼ିକ ନଦୀରେ ପଡ଼ି ଯାଇଥିଲା। ଆମେ ଏପର୍ଯ୍ୟନ୍ତ ଚାରି ଜଣଙ୍କୁ ଉଦ୍ଧାର କରିଛୁ,” ସେ କହିଛନ୍ତି।
