**ଜୟପୁର (କୋରାପୁଟ) ୦୮/୦୬:** ବର୍ତ୍ତମାନ ସମୟରେ ଦିନକୁ ଦିନ ବଢ଼ୁଥିବା ଗତି ଓ ଅସାବଧାନ ଡ୍ରାଇଭିଂ ଏକ ପରେ ଏକ ଦୁଃଖଦ ସଡ଼କ ଦୁର୍ଘଟଣାକୁ ଜନ୍ମ ଦେଉଛି। ଏପରି ଏକ ଦୁର୍ଭାଗ୍ୟଜନକ ଘଟଣା ଆଜି ଘଟିଛି ଜୟପୁର ବ୍ଲକ୍ର ବାରିଣିପୁଟ ଛକ ନିକଟରେ, ଯେଉଁଠାରେ ଏକ ଟ୍ରକ୍ ଏକ ସ୍କୁଟିକୁ ଧକ୍କା ଦେଇଥିଲା।
ଘଟଣାରେ ଥିବା ସ୍କୁଟି ଉପରେ ଦୁଇ ଜଣ ଯାତ୍ରା କରୁଥିଲେ। ଟ୍ରକ୍ ଧକ୍କାରେ ସେମାନେ ଜମିପଡ଼ି ଗୁରୁତର ଆହତ ହୋଇପଡ଼ିଥିଲେ। ତତ୍କ୍ଷଣାତ ଥାନା ପୁଲିସ୍ ଓ ସ୍ଥାନୀୟ ଲୋକମାନେ ମିଳି ଆହତ ଦୁଇ ଜଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ, ଜୟପୁରକୁ ଭର୍ତ୍ତି କରାଇଛନ୍ତି।
ପୁଲିସ ଦ୍ୱାରା ଟ୍ରକ୍କୁ ଜବତ କରାଯାଇଛି ଓ ଡ୍ରାଇଭରଙ୍କ ବିରୋଧରେ ଆବଶ୍ୟକ ଆଇନଗତ ପଦକ୍ଷେପ ଗ୍ରହଣ କରାଯାଉଛି। ଘଟଣା ସ୍ଥଳରେ ଅନେକ ଲୋକ ଭିଡ଼ ହୋଇଥିଲେ ଓ ତିବ୍ର ଚର୍ଚ୍ଚା ଦେଖାଯାଇଛି।
